မေမေနဲ့ပက်သက်လို့မှတ်မိသလောက်ပေါ့လေ ..........................
ကျွန်မအသက် လေးနှစ် - အမေနဲ့ ဘုရားပွဲဈေးတန်းလျှောက်တယ်။ မှတ်မှတ်ရရ ကျွန်မကိုမေမေသနပ်ခါးလိမ်းပေးထားတယ်။ ပါးမှာပါးကွက်နဲ့ ကြက်တောင်စည်းဆံပင်လေးစည်းပြီးအမေ့လက်ကိုဆွဲပြီးပွဲဈေးသွားခဲ့တယ်။ အဲတုန်းက ကျွန်မအရပ်က မေမေ့ပေါင်တစ်ဝက်နားလောက်ပဲရှိမယ်။ အမေ့လက်ကြမ်းကြမ်းထဲ ကျွန်မလက်နုနုလေးထည့်ပြီး ပွဲဈေးလျှောက်ခဲ့ရတဲ့အရသာကိုဒီနေ့ထိမမေ့ဘူး။
ကျွန်မအသက်ငါးနှစ်- အမေကျွန်မကိုကျောင်းလိုက်ပို့တယ် ။ ပထမဆုံးကျောင်းတက်ရက်မှာပေါ့။ ရပ်ကွက်ထဲကကျောင်းမှာ..။ အတန်းပိုင်ဆရာမကိုအပ်ပြီး ကျောင်းတက်ခေါင်းလောင်းထိုး ကျောင်းတံခါးပိတ်သွားတဲ့အထိ ခြံစည်းရိုးအပြင်ဘက်မှာ ကျွန်မကိုလှမ်းကြည့်နေတဲ့မေမေ့.မျက်နှာကို အခန်းပြတင်းပေါက်ကနေကြည့်ပြီး ကျောင်းသားတွေဆိုနေကြတဲ့ ကမ္ဘာမကြေသီချင်းနဲ့အပြိုင် ငိုရင်းနဲ့ အော်ခေါ်နေခဲ့တယ်။
ကျွန်မအသက် ခြောက်နှစ် - အတန်းထဲမှာ ပထမရတော့ ဆုပေးပွဲလုပ်တဲ့နေ့မှာ မေမေ အရမ်းကိုပျော်ခဲ့တာ မှတ်မှတ်ရရပါပဲ။ ပါတိတ်ထမီရိုးရိုးလေးဝတ်ပြီး တခြားမိဘတွေထက် ကျယ်တဲ့လက်ခုပ်သံတွေ တီးနေခဲ့တဲ့ ကျွန်မမေမေဟာ ကျွန်မဘ၀ရဲ့ တကယ့်လက်ဦးဆရာပါ။ မေမေသင်ပေးခဲ့တဲ့ ၀လုံးလေးတွေ ကကြီး ခခွေးလေးတွေရေးပြီး ရခဲ့တဲ့ ပထမဆုံးဆုလာဘ်ပါပဲ။
ကျွန်မအသက် ၁၀နှစ် - ကျွန်မဖေဖေကင်ဆာဖြစ်လို့ဆေးရုံတက်နေရတော့ အဖွားအိမ်မှာ သွားနေခဲ့ရတယ်။ အမေနဲ့ပထမဆုံးခွဲပြီးအိပ်ခဲ့ရတဲ့ ညမှာ ခေါင်းအုံးထဲမျက်နှာအပ်ပြီးမျက်ရည်ရွှဲနေခဲ့တယ်။ အမေလာမလား လာမလားနဲ့ညနေစောင်းတာနဲ့မျှော်နေခဲ့ရတာ။ အရိပ်တခုခုခပ်ဝေးဝေမှာမြင်တိုင်းအမေလားလို့ကြည့်နေခဲ့တာ ပြန်စဉ်းစားတိုင်းရင်ထဲနင့်နေခဲ့တယ်။ မေမေကတော့ သေကောင်ပေါင်းလဲဖြစ်နေတဲ့ဖေဖေ့အနားမှာ နေ့မအိပ်ညမအိပ်နဲ့ ။ ဘယ်လောက်များပင်ပန်းနေခဲ့မလဲ။
ကျွန်မအသက် ၁၄ နှစ်- ဆေးကုသစရိတ်နဲ့ အိမ်စရိတ် ကျောင်းစရိတ်ကြောင့် မေ့မေ့ကို ဖေဖေ၀ယ်ပေးထားခဲ့တဲ့လက်ဝတ်လက်စားလေးတွေ တစ်ခုပြီးတစ်ခု ပြန်ရောင်းခဲ့ရတယ်။မေမေအရမ်းကြိုက်တဲ့ လော့ကတ်သီးလေး …နောက်ဆုံးမေမေ့အမေပေးခဲ့တဲ့ ပုလဲနားကပ်လေး (အိုး မေမေအရမ်းစိတ်ဆင်းရဲနေခဲ့ရမှာပဲ) ။ ကျွန်မမသိအောင် မေမေထမ်းခဲ့တဲ့ဝန်ထုပ်ဝန်ပိုးတွေ ဘယ်လောက်တောင်များနေခဲ့သလဲ။
ကျွန်မအသက် ၁၆ နှစ် - ကျွန်မဆယ်တန်းရောက်ပြီ။ စာကျက်ရတာပင်ပန်းလိုက်တာ ငါ့သမီးလေးသနားပါတယ်တဲ့လေ။ ကျွန်မစာကျက်နေတဲ့ထမင်းစားပွဲကြီး ခြင်ထောင်ထဲထည့်ပြီး ကျွန်မဘေးနားမှာမေမေငုတ်တုတ်ထိုင်စောင့်ပေးခဲ့တယ်။ ကျွန်မသချာင်္ညံ့လို့ မတွက်နိုင်တဲ့ပုစ္ဆာတွေ မေမေမြင်တော့ စိတ်ညစ်နေတဲ့ကျွန်မကို သမီးရယ် အဲစာတွေ အမေရှင်းပြပေးနိုင်ရင်ကောင်းမှာပဲတဲ့လေ။ အမေ၀မ်းနည်းနေမှာကျွန်မသိတယ်။ ငယ်ငယ်တုန်းက ကျွန်မရဲ့လက်ဦးဆရာမေမေဟာရှစ်တန်းအောင်တဲ့အထိပဲ ကျောင်းနေခဲ့ရရှာတာပါ။ သူ့မိသားစုအတွက် အနစ်နာခံပြီးကျောင်းထွက်စီးပွားရှာခဲ့တော့ ပညာရေးမှာမပြည့်စုံခဲ့တော့ဘူး။ မေမေရေ မေမေ့အတွက် သမီးကြိုးစားပါ့မယ်။
ကျွန်မအသက် ၁၆ နှစ်ကျော်- ဆယ်တန်းအောင်စာရင်းထွက်တဲ့နေ့။ မှောင်နေတဲ့လမ်းမကြီးပေါ် သားအမိနှစ်ယောက်လက်ချင်းချိတ်ပြီး အောင်စာရင်းသွားကြည့်ကြတယ်။ တစ်မြို့နယ်လုံးမှာ မြန်မာစာဂုဏ်ထူးထွက်တဲ့သူရှားတဲ့အချိန် ကျွန်မ နှစ်ဘာသာဂုဏ်ထူးထွက်တော့ မြန်မာစာပါတာကိုကြည့်ပြီး ကျွန်မထက်ပျော်တဲ့သူဟာ အမေပဲရှိလိမ့်မယ်။ မိုးတွင်းကြီးမို့ ရွာချလိုက်တဲ့မိုးစက်တွေထဲ ပျော်လွန်းလို့အော်လိုက်တဲ့အမေ့အသံ သောင်းထိုက်ကညံရော့မယ်။
ကျွန်မအသက် ၁၈နှစ် - တက္ကသိုလ်ကျောင်းသူဘ၀ကိုအမေလဲ စိတ်ကူးယဉ်ခဲ့ဘူးမှာပေါ့လေ။ ဂျီတီစီကျောင်းသူဘ၀မှာ T square ကိုင်ပြီး ကျောင်းတက်ရတော့ အမေပြောခဲ့တဲ့စကားလေး အခုထိနားထဲပြန်ကြားယောင်တယ်။ ငါ့သမီးလေးလုပ်နိုင်မယ်ဆိုတာ အမေယုံပါတယ်တဲ့။
ကျွန်မအသက် ၂၀ နှစ်- မနက်စောစောကျွန်မထက်အရင်ထပြီး ထမင်းဘူးပြင် ကျွန်မပြန်လာလို့ မေမေရေ ဗိုက်ဆာတယ်ဆိုတာနဲ့ သုံးမိနစ်ပဲစောင့်လို့ပြောတတ်တဲ့ ကျွန်မအမေပေါ့။ ရုပ်ဝတ္ထုပစ္စည်းတွေ ချို့တဲ့နေခဲ့ပေမဲ့ မေမေ့မေတ္တာတွေ ကျွန်မမှာအလျှံအပယ်နဲ့။ သုံးမကုန်ဖြုန်းမကုန်။
ကျွန်မအသက် ၂၁နှစ်- ကျွန်မရဲ့ဘွဲ့နှင်းသဘင်အခမ်းအနားမှာ မေမေ့ရဲ့စိတ်တွေ မိုးလောက်ထိမြင့်ပြီးပျော်နေရှာမှာ။ ဘွဲ့ရဖို့အလှမ်းဝေးခဲ့တဲ့ ကျွန်မအဖေအတွက်ရယ် အမေအတွက်ရယ် ပညာကိုဆုံးခန်းတိုင်သင်ပြီး နှစ်ဘွဲ့ယူပေးခဲ့တယ်။ ကျွန်မရခဲ့တဲ့ဘွဲ့တွေပညာတွေအားလုံးဟာ မေမေနဲ့ဖေဖေအတွက် ကိုယ်စားပြုပါတယ်။
ကျွန်မအသက် ၂၂နှစ်- အလုပ်ခွင်ထဲရောက်လို့မောပန်းနေတဲ့ကျွန်မအတွက် မေမေဟာ ကျောင်းသားဘ၀တုန်းကရခဲ့သလို အေးမြတဲ့အရိပ်ဖြစ်နေဆဲပဲ။ တစ်ခါတစ်လေအံသြမိတယ်။ မေမေရယ် အဲသလောက်တောင် သမီးကိုချစ်ရသလားလို့။ မေမေ့အသက် ၅၀ပြည့်ပြီ။ မေမေပင်ပန်းလှပါပြီ။
ကျွန်မအသက် ၂၄ နှစ်- ဘုရား၊တရာ၊သံဃာ၊ မိဘ၊ဆရာတို့ရဲ့ ဂုဏ်ကျေးဇူးကြောင့် ကျွန်မ အလုပ်အကိုင်နေရာကောင်းလေးရခဲ့တယ်။ အိမ်ရဲ့ တာဝန်တွေ ကျွန်မပခုံးပေါ်ရောက်နေခဲ့ပြီ။ ငါ့သမီးလေးကို အမေသေရင်တောင်စိတ်ချပြီလို့ပြောပေမဲ့  မေမေ့မျက်လုံးတွေက ကျွန်မကို ငယ်ငယ်တုန်းက ကလေးလေးအမှတ်မြင်ယောင်နေတုန်းဆိုတာ ကျွန်မသိတယ်။ မေမေ့ရဲ့ခေါင်းမှာ ဆံပင်တွေဖြူနေခဲ့ပြီး. အချိုကြိုက်တဲ့မေမေရဲ့ ရှေ့သွားလေးတွေလဲ ပိုးစားလို့မရှိတော့ဘူး။ မေမေ့ခြေဖ၀ါးမှာ အက်ရာတွေနဲ့ ရှတနေလိုက်တာ။ အသက်တစ်ဝက်ရဲ့ဇရာမှာ မေမေကတော့ ကျွန်မအတွက် အခုချိန်ထိမောပန်းရမှန်းမသိ ကွက်လပ်ဖြည့်နေဆဲပါပဲ။
မေမေရေ
အနန္တဆိုတဲ့စကားထက် ပိုလေးနက်မဲ့စကားရှိရင်သမီးထပ်ပြောချင်ပါတယ်။ သမီးဘ၀မှာ မေမေ့သမီးဖြစ်ရတာနဲ့တင် အရာရာအတွက် လုံလောက်နေခဲ့ပါပြီ။
မေမေငြိမ်းချမ်းပျော်ရွှင်နိုင်ပါစေ။
